Bul týraly Almaty ákimi B. Saǵyntaev ońtústik astananyń 25 jylǵa deıingi bolashaǵyn boljaǵan Kazakhstan Growth Forum 2019 habarlady, dep jazady qalalyq ákimdiktiń baspasóz qyzmeti.

Onyń sózinshe, Almaty – elimizdiń negizgi qaqpasy ǵana emes. Ońtústik astana – barsha Ońtústik Azıa óńiriniń jahandyq ıntegrasıasynyń draıveri jáne bolashaqta Jańa Jibek Jolynyń iskerlik jáne mádenı astanasy. Óıtkeni Almatyda iri saýda-logıstıkalyq hab, jańa Jibek Jolynyń dál ortasyndaǵy komýnıkasıasy toraby bolýdyń barlyq múmkindikteri bar.

Básekege qabiletti bolý úshin biz aldyńǵy qatarly qalalardyń joǵary standarttaryna saı bolýymyz kerek. Almaty zamanaýı usynystarǵa daıyn bolýy jáne aýqymdy mindetterdi sheshýi tıis.

«Bizdiń qalamyzdyń maqsaty men standarttaryn damytý – 5 mln halqy bar metroóńirdiń alǵashqy jahandyq ıntegratory jáne óńirlik habyna aınalýǵa negizdelgen. Kez-kelgen zamanaýı megapolıs retinde Almaty ómir súrýge jaıly, bıznes úshin perspektıvaly, komýnıkasıa úshin qolaıly bolýy tıis. Munda qalanyń damýyna úles qosýǵa yntaly jannyń «Almatylyq armany» oryndalýy qajet», – dep atap ótti B. Saǵyntaev.